هاوي مغربي ؟ فين غادي ؟!
كل عام فرخ و تريتي
البدالة تهلا باش اطلع الريش فيني
راس العام خاص الحمام اتريني
الدريساج رخيص غير 5 دراهم لحمامة صاحبي
الاشتراك السرعة و النصف تال ولاد جرار المطلق لخراني
الطويل شوف مع الفيدرالية او العصبة الثمن عالي
الماراثون ثامانو بوحدو خلص و ما تشكي
مطلق ساهل كولشي هاني
مطلق عافيا مالهم ما اجلو كون ماضيعتش حمامي
بغينا جامعة بحال اوروبا نعيشو لافي
مولوع مغربي من التسير اعاني
يشري الحمام بلا بيديكري
الصاك ولا تخليطا كولشي غالي
لي برودوي بلجيكا و هولاندا ما عرفتش واش بيريمي
جلود سير بحالك عندك كونستاتور اجي
المزاد جايا من زاد يزيد سير عند بطل عندو اخلاق و شري
لولاعا حبي وشحال قدني نحكي
العشوائية فكولشي
جا راجل زين بغا ادفع ساعا لقا شي حوايج ما يعجبوشي
يا عباد الله ديرو عقلكم شوي
لي بغا إخدم تسدو فوجهو طراجي
المكتب المنتخب ميشي ديموقراطي
شكاتسنا منو ؟ تيجيفي
كاميو خضرة كور و لوح لصحراي
هواية زوينة لكبار و دراري
و لكن كمل قرايتك خدم عاد ديماري
كولا و وقتو و واحد المبلغ محدد خسرو وماتفوتوش حذاري
هادي غير هواية باش ترفه على نفسك يا اخي
ما ننساش نوصيك قلل من لقهاوي
الصلا فالوقت والعمل باتقان و ربي اجازي
كولشي غايموت كولشي فاني
و الله اسمح لينا من لحمام يا ربي
خوكم جمال الدين شوبكي
11/05/2024
الله عليك
ردحذف